Tikokekoke taku rere ki te rangi
Ka tau hokai ake ki Te Ahu a Turanga
Ka topa ake ki te ika whenua o Tararua
   Nā Okatia i tōkihi ki Te Tai o Rehua
 Ko Manawatū te awa hōkiwai
​Tēnei te tapuwae tahi o Rangitāne ki Manawatū.

---

Ko te mau rākau tētahi kaupapa e here nei tātou ki te ao kikokiko.   Ahakoa te tokoiti e whai ake ana i ngā kawa o te rākau matarua, he nui ngā hua kua puta.
Ka mutu, he ara e rangitamiro ana i ngā here katoa o te tangata.  He herenga waka, he herenga whenua, he herenga tangata.

​Ko Rangitāne Tū Taua tētahi peka o Te Ikaroa. Mai i te upane o Horehore ki te paeroa tapu o Tararua, ki Whitireia, rere atu ki Matua te Mana,  ā, ka honotia rā ki Te Puke o Naki.  Hei tā te tumuwhakarae "Ko taku taiaha tēnei, he rākau tipua, he rākau kairangi, he rākau whakaora tangata."
Mauri ora ki te whare...

​
 
​  Taura Pouwhakarae
​   Josh Strickland
​  Ngāti Kahungunu, Ngāi Tahu, Rarotonga

---

---

---

Rangitāne Nui a Rangi

---

​Training:
Thursday nights @ 6.00pm-8.00pm
Palmerston North Boys' High School Gym
263 Featherston St (Opposite Mitre 10 Mega)
Palmerston North